Leygardagin skipaði Vágs kommuna fyri fyrsta av tveimum árligum eldradøgum í ár.
Dagurin varð hildin í VB-húsinum.
Byrjað varð við einum vælsmakkandi morgunmatarborði, har varaborgarstjórin, Erhard Joensen, bjóðaði øllum vælkomnum.
Síðan var felagssangur við kórinum, Orðið á Borðið og framløga við Sonna Smith um suðuroyskamálførið.
- Sigurð Marner Simonsen frá Styrki Fitness greiddi frá um rørslu og venjing fyri 60+, og Arnfinn Bjarkhamar og Arnfinn Thomassen greiddu frá um staðarnøvn í Vági.
Í Vágs kommunu fegnast tey um, at eldradagurin varð væl vitjaður, og sagt verður, at eini 110 til 120 fólk vóru til tiltakið í VB-húsinum.
- Vit takka øllum, sum møttu og teimum, sum skipaðu fyri og løgdu fram eins og øllum, sum gjørdu eldradagin so hugnaligan, siga tey í Vágs kommunu.
##med2##
##med3##
