Millum 2018 og 2021 var Jóan Símun Edmundsson partur av hópinum hjá Arminia Bielefeld, og var Jóan Símun við til at vinna Arminia uppflyting til bundesliguna, har hann eisini gjørdist fyrsti føroyingarin, ið skoraði í bundesliguni.
Síðani tá er Arminia dottið niður í Dritten Liga, triðbestu deildina.
Tí vóru tað ikki nógv sum góvu Arminia nakran møguleika, tá teir á heimavølli á Schüco Arena leikvøllinum spældu hálvfinalu í týsku steypakappingini móti verandi greipuvinnarunum, Bayer Leverkusen.
Jonathan Tah legði Leverkusen á odda í 17. minutti. Men bert tríggjar minuttir seinni javnaði Marius Wörl til 1-1. Beint undan steðginum legði Maximillian Grosser Arminia á odda 2-1, og tað eydnaðist liðnum úr triðbestu deildini at halda málið reint í seinna hálvleiki. Aftaná kundu leikararnir og fjeppararnir hjá Arminia hátíðarhalda eina ta størstu - um ikki ta størstu - løtuna í søgu felagsins.
HER ber til at síggja hæddarpunktini frá minniligu hálvfinaluni, har Arminia Bielefeld skapti ta stóru sensasjónina:
##med2##
