Í dag rósar russiski forsetin herovastanum, Mikhail Gudkov, sum í vikuni læt lív í einum ukrainskum álopi í russiska Kursk-økinum herfyri.
Vladimir Putin hevur eisini valt at kalla eina herdeild upp eftir deyða ovastanum, sum saman við tíggju øðrum læt lív á einari russiskari kommandistøð í Kursk.
Tað var annars í mars í ár, at russiski forsetin útnevndi Mikhail Gudkov sum næstovasta fyri russisku marinuni.
Í dag veit russiska tíðindastovan Tass at siga, at Vladimir Putin rósti herovasta sínum við hesum orðum:
- Vit fara altíð at minnast tey, sum lótu lív fyri fosturlandið. Eg eri tíverri noyddur at siga, at næstovastin fyri russisku marinuna, Mikhail Gudkov, læt lív á sínari kommandostøð hin 2. juli.
Vladimir Putin segði, at Mikhail Gudkov hevði luttikið í "serliga hernaðarátakinum" heilt síðan byrjan.
- Saman við sínum fólki vardi og frígjørdi hann Kursk-regónina. Hann læt lív í bardaga og gjørdi sínar skyldur, segði russiski forsetin millum annað í dag.
