Komandi forsetin í USA, Donald Trump, er við at fáa skil á, hvør skal mynda stjórn hansara, tá hann verður tikin í eið 20. januar 2025.
Fríggjadagin boðaði hann frá, at 27 ára gamla Karoline Leavitt verður talskvinna í Hvítu Húsunum. Hon gerst sostatt yngsti í starvsfólkahópinum higartil.
Meðan Trump sjálvur hevur fult mandat at seta nøkur av størvunum í umsitingini - til dømis talsfólk hansara - skulu komandi ráðharrarnir eisini góðkennast av senatinum, tá teir eru útnevndir.
Niðanfyri er eitt yvirlit yvir toymið hjá Trump - raðfest so vítt gjørligt eftir ávirkan, við ráðharrum fyrst og øðrum starvsfólkum longri niðri:
* MARCO RUBIO (53 ára gamal) - uttanríkisráðharri.
Marco Rubio er senatorur úr Florida. Hann hevur áður funnist at ST-samtyktum, sum finnast at niðursetubygdunum hjá Ísrael í hersettu palestinsku økjunum. Hann hevur eisini sagt, at Ukraina skal gera eina friðaravtalu við Russland, sjálvt um hetta merkir, at Ukraina skal avhenda øki, sum Russland hevur hertikið í krígnum.
* PETE HEGSETH (44 ára gamal) - verjumálaráðharri.
Pete Hegseth er vertur í konservativu sjónvarpsstøðini Fox News og hevur bakgrund í amerikanska herinum. Hann hevur eisini verið stjóri í fleiri áhugafelagsskapum fyri amerikanskar veteranar.
* MATT GAETZ (42 ára gamal) - løgmálaráðharri.
Matt Gaetz, sum er valdur í Umboðsmannatingið, verður løgmálaráðharri. Hann verður mettur at vera ein av teimum mest høgravendu republikanarunum í kongressini.
* DOUG BURGUM (68 ára gamal) - Innlendismálaráðharri.
Doug Burgum er ein væleydnaður amerikanskur handilsmaður, sum hevur havt leiðandi størv hjá millum øðrum Microsoft og stórum kapitalgrunnum, áðrenn hann fór upp í politikk. Hann er sitandi guvernørur í Norður Carolina.
* ROBERT F. Kennedi jr. (70 ára gamal) - Heilsumálaráðharri.
Robert F. Kennedi yngri er úr framstandandi politiskari familju, sum altíð hava verið demokratar. Kennedy yngri stillaði upp til forsetavalið sum sjálvstøðugur og hevur síðani givið Trump stuðul sín. Hann hevur elvt til øsing við koppsetingar-skeptiskum útsøgnum og konspiratiónsteorium.
* KRISTI NOEM (52 ár) - innanríkisráðfrú.
Komandi ráðfrúan í innanríkistrygd kemur úr starvinum sum guvernørur í statinum South Dakota. Millum annað skal hon hava ábyrgdina av amerikanska tilflytaramyndugleikanum og fer væntandi at fylgja rákinum hjá Trump um ein strangan tilflytarapolitikk.
* SUSIE WILES (67 ára gomul) - stabsleiðari.
Susie Wiles var fyrsti limurin í komandi stjórnini hjá Trump, sum varð fráboðað. Wiles stóð á odda fyri valstríðnum hjá Trump, og hon verður fyrsti kvinnuligi stabsleiðarin í Amerika nakrantíð.
* LEE ZELDIN (44 ár) - leiðari á amerikansku umhvørvisstovuni.
Lee Zeldin er fyrrverandi republikanskur limur í Umboðsmannatinginum. Hann skal standa á odda fyri Umhvørvisráðinum og fer væntandi at rulla partar av umhvørvispolitikkinum hjá Joe Biden aftur.
* TULSI GABBARD (43 ára gamal) - leiðari fyri fregnartænastuna.
Tulsi Gabbard, fyrrverandi limur í kongressini, gerst leiðari fyri teimum 17 fregnartænastunum í Amerika. Hon vísir beinleiðis til forsetan. Gabbard er kend fyri sínar beinleiðis atfinningar av leiklutinum hjá USA í útlendskum kríggi og ríkiskollveltingum. Hon hevur áður verið vald í Umboðsmannatingið fyri Demokratarnar.
* ELISE STEFANIK (40 ár) - ST-sendikvinna.
Nýggja ST-sendikvinnan, Elise Stefanik, er republikanskur limur í tjóðartinginum og hoyrir til høgra vongin í flokkinum. Bæði áðrenn valið í 2020 og áðrenn valið í ár, varð hon nevnd sum eitt møguligt varaforsetavalevni hjá Trump.
* JOHN RATCLIFFE (59 ára gamal) - stjóri í CIA.
John Ratcliffe er fyrrverandi stjóri í amerikansku fregnartænastuni, NSA. Hann skal frameftir virka sum stjóri í CIA, sum fyrst og fremst fæst við uttanríkismál.
* MIKE WALTZ (50 ár) - Trygdarráðgevi.
Waltz kemur úr einum sessi í Umboðsmannatinginum, sum hann varð valdur í í 2018. Hann hevur arbeitt her í 27 ár og hevur millum annað verið útsettur til Afghanistan. Hann er kendur fyri at vera ein Kina-skeptikari og hevur fleiri ferðir atkvøtt ímóti at senda hernaðarliga hjálp til Ukraina.
* TOM HOMAN (62 ár) - Marknastjóri.
Tom Homan, sum hevur eina fortíð sum virkandi leiðari á amerikanska marknaeftirlitinum ICE, er settur sum marknaleiðari hjá Trump - "The Border Czar" við egnum orðum hjá Trump. Hann fer væntandi at standa fyri einum hørðum marknapolitikki.
* KAROLINE LEAVITT (27 ára gomul) - Talskvinna í Hvítu Húsunum.
Karoline Leavitt hevur verið talskvinna undir valstríðnum hjá Trump og skal nú eisini umsita pressuna í Hvítu Húsunum. Hon er higartil yngsti limurin í komandi stjórnini hjá Trump.
* STEVE WITKOFF (67 ár) - Serligur sendiharri í Miðeystri.
Fastognsíleggjarin Steve Witkoff gerst amerikanskur serligur sendiharri í Miðeystri. Witkoff er vinur við Trump og teir báðir spæla av og á golf saman. Witkoff hevur stuðlað Trump-herferðini fíggjarliga undir valstríðnum.
* ELON MUSK (53 ár) og VIVEK RAMASWAMY (39 ár) - Stýring av effektivitetseind.
Ríkmaðurn Elon, saman við íverksetaranum Vivek Ramaswamy, skal standa á odda fyri eini nýggjari effektivitets-eind. Musk hevur stuðlað Trump undir valstríðnum. Ramaswamy hevur áður roynt at gerast forsetavalevni hjá republikanarunum. Teir báðir hava til uppgávu at minka um embætisverkið hjá amerikansku stjórnini.
* WILLIAM McGINLEY (aldur ókendur) - Serligur ráðgevi hjá Hvítu Húsunum.
William McGinley hevur verið kabinetskrivari í fyrra valskeiðnum hjá Trump sum forseti. Framyvir verður hann serligur ráðgevi hjá Hvítu Húsunum.
Kelda: Reuters.
/Ritzau/
