Audi Q6 e-tron er fyrsti bilur, sum er bygdur yvir nýggja PPE-platformin (Premium Platform Electric). Platformurin er tann partur av bilinum, sum chassis, hjólupphang, motorur og annað er sett uppá.
Bilurin hevur umleið 400 hk og koyrir upp til 600 km við eini løðing. Hann hevur 800 Volt-system.
Audi Q6 e-tron er ein 4x4. Nógv er gjørt burturúr, at bilurin er væl ljóðdoyvdur við komforti á høgum stigi. Bilurin tekur seg væl út við 21” hjólum og er umleið somu stødd sum Audi Q5.
Bilurin er á tremur við tøkni, sum gevur nýggjar upplivingar fyri bilføraran og tey ferðandi í bilinum. Eitt nú hevur hann OLED-lyktir, sum síggjast sera væl í myrkri og toku.
Haraftrat er hetta ein lyktatøkni sum kann brúkast til at kommunikera við umheimin via Car to X, ið gevur eina eyka trygd sum t.d. at ávara aðrar bilførarar um óhapp á vegnum.
Fimm ár eru liðin, síðan fyrsti elbilurin hjá Audi, Audi e-tron 55, varð sýndur fram sum konseptbilur í 2018. Síðan eru aðrir sum eitt nú Audi Q4 og Audi e-tron GT komnir á marknaðin.
Sambært Audi koma yvir 20 nýggj bilmodell fram til 2025, her fleiri enn tíggju av teimum eru elbilar. Audi Q6 verður gjørdur sum SUV og Sportback.
##med2##
##med3##
##med4##
