Í gjár vann KÍ norðoyastevnudystin 11-0 ímóti 07 Vestur, og EBS/Skála vann 3-0 á Vágseiði.
Í dag vóru hinir báðir dystirnir – tvær grannauppgerðir – í hesum umfarinum.
Í Gundadali vann B36 2-1 ímóti HB. Hálvleiksstøðan var 2-0, og HB minkaði um munin, tá ið tað restaðu tveir minuttir.
Brá Zakarisdóttir skoraði bæði B36 málini. Hon er 15 ára gomul, og hetta er fyrsta árið hjá henni í bestu deildini. Dysturin í dag var tann triði, har hon er við, og málini vóru tey fyrstu hjá henni í bestu deildini.
Svenska Sofia Karolina Takamäki minkaði um munin fyri HB. Hetta var fjórða málið hjá henni í HB búnanum. Hon var trífaldur málskjútti, tá ið HB í fjórða umfari vann 5-0 í Suðuroy.
Í Runavík vann NSÍ 2-1 ímóti Víkingi. Toppskjúttin Heidi Sevdal setti longu í fyrsta minutti hol á, og tveir minuttir eftir steðgin økti Lena Olsen um leiðsluna til 2-0.
Eydna Olsen Dalheim minkaði um munin til 2-1 seks minuttir eftir, at NSÍ hevði økt um leiðsluna.
Heidi Sevdal hevur nú skorað 18 mál, Lena Olsen hevur skorað 5 mál, og Eydna Olsen Dalheim hevur skorað 4 mál.
| KÍ | 10 | 10 | 0 | 0 | 52 | 3 | 30 |
| NSÍ | 10 | 7 | 2 | 1 | 36 | 11 | 23 |
| HB | 9 | 5 | 1 | 3 | 21 | 12 | 16 |
| B36 | 9 | 4 | 3 | 2 | 13 | 8 | 15 |
| Víkingur | 9 | 3 | 2 | 4 | 17 | 20 | 11 |
| 07 Vestur | 10 | 2 | 2 | 6 | 15 | 33 | 8 |
| EBS/Skála | 10 | 1 | 1 | 8 | 9 | 35 | 4 |
| TB/FSV/Royn | 9 | 0 | 1 | 8 | 2 | 43 | 1 |
Leygardagin 17. juni
07 Vestur – EBS/Skála
NSÍ – TB/FCS/Royn
Sunnudagin 18. juni
B36 – KÍ
Víkingur – HB
