Í kvøld vóru góð tíðinda at frætta fyri føroysku landsliðsvenjararnar.
Jóannes Bjartalíð var við aftur í hópinum hjá Fredrikstad í bestu norsku fótbóltsdeildini, tá Fredrikstad á heimavølli vann 2-0 á Vaalerenga.
Jóannes var ikki á vøllinum í kvøld, men í undanfarnu dystunum hjá Fredrikstad móti Rosenborg og Brann Bergen var Jóannes ikki í hópinum.
Fredrikstad hevur seks stig fyri tríggjar dystir aftaná tveir heimasigrar og eitt tap á útivølli.
Komandi leygardag klokkan 15 spælir Fredrikstad dyst í norsku steypakappingini á útivølli móti lokala arvafíggindanum, Sarpsborg.
