Heimskenda songkvinnan Céline Dion fekk ikki løn fyri at framføra á ferniseringini av OL í París.
Tað skriva tónleikamiðlarnir Unilad og NME við støði í eini fráboðan frá olympisku nevndini sambært Ekstra Bladet.
Sambært fjølmiðlunum hava søgur verið um, at sangarin fekk goldið tvær milliónir krónur fyri sína framførslu, men hetta vísir nevndin aftur.
- Mótsatt teimum upplýsingum, sum fjølmiðlarnir koma við, fáa listafólkini, sum framførdu á hátíðarhaldinum, ikki løn fyri sína framførslu. Tá tey siga ja undir hesum treytum, vísir tað teirra ynski um at luttaka í einum søguligum tiltaki fyri Frakland og ítróttarheimin, sigur nevndin sambært Ekstra Bladet.
Men sambært Ekstra Bladet leggur nevndin dent á, at listafólkini ikki hava útreiðslur til at framføra, tí OL rindar allar útreiðslu til framleiðslu og pallsýningar.
Fríggjadagin framførdi kanadiska sangarinnan úr Eiffeltorninum og var sostatt at síggja fyri fyrstu ferð, síðani hon fekk staðfest autoimmunu sjúkuna stiff person syndrom í 2022.
Stív persónssyndrom ger, at kroppurin ger mótevni móti egnum vevnaði og elvir til muskulstívleika og pínufullar krampar.
Sangarinnan hevur áður sagt, at sjúkan hevur givið henni trupulleikar við bæði at ganga og at syngja.
Undir framførsluni fríggjadagin var Céline Dion í einum silvurlittum glitrandi kjóla og sang franska "Hymne à l'amour" hjá Edith Piaf. Hon endaði hátíðarhaldið við síni framførslu.
/ritzau/
