Ein persónur er deyður og tveir løgreglumenn hava fingið álvarsligan skaða í einum kníválopi í Fraklandi.
Tað sigur franska ákæruvaldið, sambært tíðindastovuni AFP.
Álopið fór fram í býnum Mulhouse í Eysturfraklandi, tætt við markið til Sveis.
Sambært ákæruvaldinum er mistonkti illgerðarmaðurin á einum "yvirgangsfyribyrgingarlista", skrivar AFP.
Ein persónur er handtikin, skrivar Reuters.
Sambært franska miðlinum BFM TV fór álopið fram seinnapartin nærhendis einum marknaði undir taki.
AFP skrivar, at álopið hendi í sambandi við eina mótmælisgongu.
Trý løgreglufólk afturat afturat fingu eitt sindur av skaða í Mulhouse-álopinum, sum varð framt av einum 37 ára gomlum mistonktum, sum er á “einum yvirgangsfyribyrgingarlista”, sigur ákærin Nicolas Heitz við AFP.
/Ritzau/
