Eitt størri ísfiskalínuskip og tvey smærri eru til fiskiskap í løtuni.
- Skipini fáa mest av toski og hýsu og so nakað av longu og brosmu. Øll ísfiskaskipini koma inn at landa í næstu viku.
Tað siga tey á Fiskamarknaði Føroya í dag.
Av frystilínuskipunum er eitt í Eysturgrønlandi, tvey eru undir Føroyum, eitt er á Flemish Kap, og tvey eru á veg yvir.
- Í Eysturgrønlandi og á Flemish Kap verður tað toskur, og undir Føroyum er tað mest longa, toskur, hýsa og brosma.
Um útróður í næstu viku verður sagt, at streymurin verður brúkiligur, og veðrið verður hampiligt. Tí verður roknað við, at nakað verður av útróðri
- Fiskiskapurin hjá útróðrarbátunum er smáligur. Teir fáa mest av toski, hýsu og so nakað av hvítingi og upsa, verður lagt aftrat.