Sambandsflokkurin vil eitt frælst fólk í bestu skipanini, ið eisini tænir fólkinum best - tað skipanina hava vit í Ríkisfelagsskapinum.
Vit hava heimsins besta samfelag við frælsum fólkið, ið nærmast hevur óavmarkaðar møguleikar, heima og úti. Vit hava frælsi til at fáa okkum útbúgvingar, góð størv, at arbeiða okkum upp, seta búgv vm.
Stór lond kring okkum taka seg saman í felagsskapir, tí tað loysir seg. Tað ger tað eisini fyri Føroyar og okkara borgarar.
Loysingaflokkar plaga at billa ungfólkum inn, at vit skulu bara brúka norðurlendskar avtalur um at lesa í londunum hjá hvørjum øðrum. Tað er heit luft. Norðurlendsku sáttmálarnir koma ikki ríkisborgararættindum okkara til kníggja.
Ríkisfelagsskapurin gevur okkum frælsi og stórar møguleikar til allar borgarar. Eisini fyritøkur hava fyrimunir við at vera við í vinnuframaskipanum, íverksetaraskipanum og útflutningsátøkum runt allan heim - umvegis okkara felagsskap.
Sambandsflokkurin bjóðar veruligt frælsi, eitt lív við møguleikum - og tað gera vit best í Ríkisfelagsskapinum.
Bárður Nielsen,
formaður Sambandsfloksins
