Páll Finnur Páll hava mangan prógvað, at teir fáa áhoyrarafjøldir at kóka, tá teir tríva í vældámdu slagararnar. Vit kenna løgini ‘Eg fari mín egna veg’ , ‘Herbergið’, ‘Forelskaður sjónleikari’ og fleiri. Tað er altíð stuttligt og lív í, tá Páll Finnur Páll eru á pallinum og verður tað uttan iva sannur rómur ta løtuna, vikuskiftið 23. og 24.juni 2023, tá OY Voxbotn er á skrá.
Frammanundan er greitt, at Nathan Evans, Topgunn, Katrina frá Katrina & The Waves, RSP, Faustix, Marius, Lamin, Artigeardit, Maggie Reilly, Eyðun og Terji, Lena Anderssen, Saveus, Superloader, Fríði Sigmundsson, Reiley, Herborg Torkilsdóttir, Danny og Ingi, Marius DC og Sámal Ravnsfjall koma á OY Voxbotn 2023, so skráin er bæði breið, stór og spennandi.
