Fyrr í dag møttust Grønland og Ísland í bólki 1 í niðara millumspælinum í HM-endaspælinum í hondbólti hjá kvinnum.
Dysturin endaði við stórsigri 37-14 til Ísland, ið ikki vísti grønlendsku kvinnunum grið. Tær grønlendsku vóru væl við fyrstu løtuna, og eitt skiftið var støðan javnleikur 4-4, og Grønland kom enntá á odda 2-0, men sum dysturin leið dróg Ísland frá Grønlandi og munurin bara vaks sum dysturin leið.
Gongdin í dystinum var sambært Morgunblaðnum hendan: 0:2, 4:4, 9:6, 12:7, 16:7, 19:8, 21:10, 24:11, 27:11, 31:13, 34:14, 37:14.
Tað vóru nærum 1.000 áskoðarar til dystin í Frederikshavn, hóast talan var um dyst í niðara millumspælinum.
Í sama bólki vann Kina 23-20 (9-10) á Paraguay.
Ísland og Kina hava tvey stig hvør, Grønland og Paraguay hava einki stig.
Paraguay-Ísland 9. desember klokkan 17.00
Kina-Grønland 9. desember klokkan 19.30
Ísland-Kina 11. desember klokkan 17.00
Paraguay-Grønland 11. desember klokkan 19.30
Nummar eitt í bólkinum spælir finalu um 25. plássið (President´s Cup), nummar tvey í bólkinum spælir um 27. plássið, nummar trý spælir um 29. plássið, og nummar fýra spælir um 31. plássið.
