KA er eitt stig frá at vinna niðara endaspælið

Jóan Símun Edmundsson og Pætur J. Petersen vóru báðir við frá byrjan, tá teir og liðfelagarnir í KA vunnu trivaligan 4-2 sigur á Fylkir í niðara endaspælinum í bestu íslendsku fótbóltsdeildini. 

Sigurin merkir, at KA manglar bert eitt stig í trimum teimum seinastu dystunum at vinna niðara endaspælið.

Harley Willard legði KA á odda tá bert seks minuttir vóru farnir av dystinum. Í 17. minutti javnaði Fylkir. Hallgrímur Mar Steingrímsson fekk KA á sigurskós aftur tá ein hálvur tími var farin av dystinum.

Harley Willard økti til 3-1 tá 10 minuttir vóru farnir av seinna hálvleiki, Sveinn Margeir Hauksson økti til 4-1 fimm minuttir undan dystarloki. Heilt móti endanum slapp Fylkir at pynta um úrslitið.

Komandi hóskvøld tekur KA móti ÍBV á heimavølli á Akureyri.

Støðan í niðara endaspælinum: