Jann Benjaminsen hevur í kvøld skrivað undir ein 2 ára sáttmála við NSÍ.
Hesum boðar fótbóltsfelagið NSÍ frá á heimasíðu síni í kvøld.
Landsliðsleikarin kemur aftur til NSÍ, har hann í 2016 fekk sítt gjøgnumbrot í bestu deildini hjá monnum. Í 2021 fór hann til Noreg, har hann í tvey ár spældi við IL Hødd, og seinastu tvey árini hevur hann spælt við B36.
– NSÍ ynskir Jann hjartaliga vælkomnan heim í felagið, og fegnast um, at hann komandi tvey árini kemur at hava heimavøll við Løkin, skrivar felagið.
