Frakland fer at viðurkenna ein palestinskan stat, skrivar Emmanuel Macron, forseti, í einum uppslagi á sosiala miðlinum X hóskvøldið.
Formliga fráboðanin kemur á aðalfundinum hjá ST í september, skrivar hann víðari.
- Friður er møguligur, skrivar Macron.
- Tað mest átrokandi í dag er at steðga krígnum í Gaza og tryggja neyðhjálp til sivilfólkið.
Síðani skal vápnahvíld gerast og tryggjast avmilitarisering av Hamas, stendur víðari.
- At enda skal staturin Palestina byggjast upp, tryggjast liviføri hansara, og hann skal fáa møguleikan fyri, at hann - við at góðtaka avmilitarisering og viðurkenna Ísrael til fulnar - kann stuðla undir trygdina hjá øllum í Miðeystri, skrivar forsetin.
- Tað er einki alternativ.
Boðini frá Macron vóru væntandi. Bæði hann og franski uttanríkisráðharrin, Jean-Noel Barrot, hava seinastu mánaðirnar ávarað um, at tað var á veg.
Altjóða er vaksandi atfinningar móti Ísrael vegna hungursneyð, sum ger um seg í Gazageiranum.
/Ritzau/
