Hvat dámar tær hesa tíðina av árinum, nú jólini eru nær?
- Hesa tíðina dámar mær væl. Haldi, at hetta er ein sera hugnalig tíð. Nú arbeiði eg í blómuhandli, so tað umgongst ikki at koma í jólahýri av vøru, sum kemur í handilin - og so jóladekoratiónum, sum verda gjørdar. Og so allur jólatónleikur og sangir, sum minna okkum á, hví vit halda jól
Tað sigur Maud Poulsdóttir Hansen.
Hvussu fyrireikar tú teg til jólini – við pynting, baking og mati?
- Eg pynti nakað, men ikki so nógv sum fyrr. Men, tað verður í øllum førum til eitt pyntað grannjólatræ. Mær dámar væl øll ljósini, sum verða tendrað.
Hon sigur, at kleynur verða altíð kókaðar til jólini.
- Vit eru fýra systrar, sum onkuntíð baka saman og skifta um køkur. Jólaaftan eta við stokt ræst kjøt og rísingreyt omaná.
Keypir tú jólagávur, og eru onkrar longu komnar í hús?
- Eg keypi jólagávur til okkara børn, teirra makar og ommubørnini. 10 gávur verða tað tilsamans, harav tríggjar eru keyptar.
Eru jólini ov handilslig, ella dámar tær jólini, sum tey eru?
- Nú havi eg arbeitt í handli alt mítt arbeiðslív. Haldi, tað er so hugnaligt at heilsa uppá fólk, sum koma heim til jólar, og hesi hittir tú eisini í handlinum.
Maud Poulsdóttir Hansen heldur ikki, at jólini eru ov handilslig, men sjálvandi er tað upp til ein og hvønn at meta um.
- Eg fari ikki í panikk. Keypi tað, vit hava brúk fyri, og so hugni eg mær saman við familjuni fyri rest, leggur hon aftrat.