Í kvøld hevði høvuðsvenjarin hjá Fredriksstad, Mikkjal Thomassen sína higartil størstu uppgávu sum høvuðsvenjari hjá Fredrikstad.
Fredrikstad, ið hevði Jóannes Bjartalíð á vøllinum frá dystarbyrjan tók á heimavølli ímóti toppliðnum úr bestu deildini, Viking Stavanger á heimavølli í norsku steypakappingini.
Fredrikstad fekk eina dreymabyrjan, tá Riki Alba legði heimaliðið á odda tá eitt korter var farið av dystinum. Stutt undan steðginum javnaði royndi íslendski landsliðsleikarin, Birkir Bjarnason til 1-1.
Leingi sá tað út til, at dysturin fór at enda við javnleiki 1-1, og harvið fór tað at vera brúk fyri longdari leiktíð 2 x 15 minuttir. Men fýra minuttir inni í tíðini dómarin legði aftrat fekk Viking eitt brotsspark, ið Zlatko Tripic setti í netið til endaliga úrslitið 2-1 til Viking, ið harvið vann seg í áttandapartsfinalurnar í steypakappingini.
Fredrikstad kann nú fokusera 100 prosent upp á at vinna sær uppflyting úr næstbestu deildini, har liðið framvegis er ósigrað.
Sunnudagin klokkan 14 tekur Fredrikstad móti Start Kristiansand á heimavølli.
Hini føroyingaliðini í Noregi, Bryne, Sandnes ULF og Arendal eru øll útsligin í norsku steypakappingini, og er sostatt einki føroyingalið eftir í kappingini.
##med2##