Landskappingin er av í Svøríki, og Mikkjal K. Thomassen og AIK Stokholm endaðu á triðja plássi.
Í næstu viku vera ársins spælarar og ársins venjari kosin, og Mikkjal K. Thomassen er í uppskoti at verða ársins venjari.
Mikkjal tók við sum AIK venjari í summar, tá ið liðið lá á áttanda plássi. Tað eydnaðist at vinna fram á brnsuplássið.
Mikkjal er ein av trimum, sum eru í uppskoti at vera ársins venjari. Hinir báðir eru Frederik Holmberg venjari hjá GAIS og Kim Hellberg venjari hjá Hammarby.
Malmø FF var svenskur meistari, Hammarby endaði á øðrum plássi, AIK var nummar trý, Djurgården var nummar fýra, Mjällby endaði á fimta plássi, og GAIS var nummar seks.
