Í løtuni liggja øll ísfiskalínuskipini við bryggju, men helst loysir okkurt av skipunum í næstum.
Av frystilínuskipunum fiska fýra í føroyskum sjógvi, og tvey fiska í grønlendskum sjógvi.
- Frystilínuskipini fáa eina blanding av toski, hýsu, longu, brosmu og svartkalva.
Tað siga tey á Fiskamarknaði Føroya í dag.
Um útlitini til útróður verður sagt, at streymurin verður góður fyrst í næstu viku, men hann harðnar, sum vikan gongur.
Veðrið verður umskiftandi, og tí verður ikki roknað við nógvum útróðri teir næstu dagarnar.
- Útróðrarbátarnir fáa mest av hýsu og nakað av toski, leggja tey á Fiskamarknaði Føroya aftrat.
