Sambært skipanini skuldu AB og EB/Streymur i næstbestu deildini spæla á Argjum í kvøld.
Men tað var eingin fótbóltur inni í Vika á Argjum í kvøld. Dómarin metti, at tað var ov nógvur vindur at spæla fótbólt á Argjum í kvøld, og tí varð dysturin útsettur. Tað er ikki avgjørt, nær hann verður spældur, skrivar Argja Bóltfelag í kvøld.
Næsti dystur hjá AB verður mánakvøldið, tá ið argjamenn í fyrsta umfari í kappingini um løgmanssteypið fáa vitjan av FC Suðuroy.
Í landskappingini fer EB/Streymur annan leygardag at spæla á heimavølli ímóti B36, og sama dag fer AB at spæla á útivølli ímóti NSÍ.
