Tíðindaskriv:
Flokstingið er aðalfundurin hjá Tjóðveldi, og hetta er fyrsta floksting við nýggjari leiðslu. Vit hava síðani seinast fingið nýggja forkvinnu, næstforkvinnu og aðalstjórnarformann.
Ríkisrættarliga støða Føroya verður fremsta evnið, og vóna vit at síggja fólk í øllum aldri og úr øllum Føroyum. Vit vóna at Tjóðveldisáhugað koma í Varpið leygardagin fyri at vera við í framtíðarkósini hjá Tjóðveldi.
Tær nýtist ikki at vera limur í einum økisfelagi fyri at luttaka. Sambært viðtøkunum eru øll Tjóðveldisáhugað hjartaliga vælkomin.
Matur og drekka verður til keyps allan dagin.
Aftan á almennu skránna verður veitsla fyri tilmeldaðum.
