Í gjárkvøldið vistu útlendskar tíðindamiðlar at siga, at í minsta lagi seks russiskar rakettir í gjár raktu næst størsta bý í Ukraina, Kharkiv.
Kelda til tíðindini er guvernørurin í Kharkiv-regiónini, Oleh Synjehubov, og tað er tíðindastovan NTB, sum endurgevur.
Myndugleikarnir eru í holt við at kanna, hvørjar skaðar rakettirnar hava elvt til í økinum.
Fyribils upplýsingar benda á, at tað vóru rakettir av slagnum, S-300, sum raktu Kharkiv, og guvernørurin sigur, at rakettirnar vórðu skotnar úr russiska Belgorod-økinum.
Kharkiv liggur nær russiska markinum, og býurin Belgorod liggur lutfalsliga stutt norðanfyri markið millum Ukraina og Russland.
##med2##