Í morgun veit Reuters at siga, at Russland hevur sent eitt jagaraflogfar inn í loftrúmið hjá Estlandi.
Sagt verður, at hetta hendi, eftir at Estland royndi at taka eitt russiskt "skuggaskip", sum tey rópa tað.
Tað er uttanríkisráðharrin í Estlandi, Margus Tsahkna, sum sigur hetta sambært Reuters.
Við hesi atgerð hevur Russland gjørt seg inn á loftrúmið hjá Nato-landi í umleið ein minutt, sigur uttanríkisráðharrin.
- Hetta er sera álvarsligt, leggur Margus Tsahkna aftrat.
Tað var í vikuni, at sjóverjan í Estlandi royndi at taka eitt russiskt tangaskip í Eystursjónum, men skipið vildi ikki akta boðini.
Skipið varð tí fylgt í russiska havn ístaðin, sigur sjóverjan í Estlandi.
- Tangaskipið, sum talan er um, er fevnt at bretskum revsitiltøkum, tí tað verður mett at sigla undir følskum flaggi, veit Reuters at siga.
