Ísak Vedelsbøl, Óli Mittún og liðfelagarnir í Sävehof spældu í kvøld triðu fjórðingsfinaluna í endaspælinum í bestu svensku hondbóltsdeildini.
Á útivølli vann Sävehof greiðan 37-28 sigur á Karlskrona. Í steðginum var Sävehof frammanfyri 17-13. Sävehof er nú á odda 2-1 í fjórðingsfinaluuppgerðini.
Óli skoraði fimm mál og legði upp til fimm mál. Ísak skoraði tvey mál.
Við sigri á heimavølli í fjórðu fjórðingsfinaluni á heimavølli í Partille, hóskvøldið klokkan 20.30 kann Sävehof vinna seg í hálvfinalurnar.
