Lið sum Mikkjal K. Thomassen er høvuðsvenjari hjá, AIK Stockholm spældi í dag annan dystin í bólkaspælinum í svensku steypakappingini.
Í dysti í bólki 3 leikti AIK aftur í dag javnt 1-1. Í dag var talan um 1-1 javnleik á útivølli móti Trelleborg.
Trelleborg legði seg á odda í 59 minutti. Leingi sá út til, at AIK einki fekk við sær úr Skåne, men í tíðini dómarin hevði lagt aftrat javnaði Thomas Poppler Isherwood við einum dreymahøggi til endaligu støðuna 1-1.
Í sama bólki vann Degerfors 3-2 á Värnamo.
Trelleborg og Degerfors hava fýra stig hvør, AIK hevur tvey stig, og Värnamo er aftast við ongum stigi.
Í seinasta umfarinum komandi fríggjadag klokkan 17.30 tekur AIK móti Värnamo, og Degerfors tekur móti Trelleborg.
Skulu Mikkjal og hansara menn vinna bólkin mugu teir vinna við minst tveimum málum á Värnamo, og samstundis má dysturin millum Degerfors og Trelleborg enda við javnleiki.
Her ber til at síggja ein samandrátt frá dystinum Trelleborg-AIK Stockholm 1-1 (0-0):
##med2##
