Inter Milan og FC Barcelona stóðu fyri tveimum minniligum hálvfinalum í Champions League kappingini. Fyrra hálvfinalan á Camp Nou endaði við javnleiki 3-3, og í kvøld endaði tað aftur við javnleiki 3-3 í Milano, har Francesco Acerbi javnaði fyri Inter tríggjar minuttir inni í tíðini dómarin hevði lagt aftrat.
Inter var á odda 2-0 í steðginum. Barcelona vendi øllum á høvdið og skoraði trý mál, men so kom Inter afturíaftur, bjargaði sær longda leiktíð, og í longdu leiktíðini syrgdi Davide Frattesi fyri sigursmálinum til 4-3, og harvið einum samlaðum 7-6 sigri til Inter.
Inter Milan-FC Barcelona 4-3 (3-3 - 2-0) (Inter vinnur samanlagt 7-6)
1-0 Lautaro Martinez ('21)
2-0 Hakan Calhanoglu, br. ('45+1)
2-1 Eric Garcia ('54)
2-2 Dani Olmo ('60)
3-2 Raphinha ('88)
3-3 Francesco Acerbi ('93)
4-3 Davide Frattesi ('99)
HER ber til frá TV3 Sport at síggja hæddarpunktini frá minniliga dystinum.
Inter Milan hevur á trimum sinnum vunnið Champions League. Í 1964, 1965 og í 2010.
Í kvøld klokkan 20 spæla Paris Saint Germain og Arsenal seinnu hálvfinaluna á Parc des Prince í París. PSG vann 1-0 í fyrru uppgerðini.
