Enn hevur Akstovan ikki kunngjørt fyrstu bilasølutølini fyri 2025, men tá tey gjørdu tølini upp í Danmark í gjár vísti tað seg, at yvir 60 prosent av bilunum, sum vórðu skrásettir í januar 2025, eru elbilar.
Tað sigur handilsfelagið hjá bilinnflytarum, Mobility Danmark, í tíðindaskrivi.
Tilsamans vórðu 10.834 nýggir bilar skrásettir fyrsta mánaðin í ár. 64 prosent av hesum vóru elbilar.
Samlaða talið av nýskrásettum bilum í Danmark er 23 prosent hægri í mun til januar 2024.
- 2025 hevur fingið eina góða byrjan við sterkari bilasølu í januar, har vit síggja eina merkiliga vøkstur í mun til sama mánað í fjør, sigur stjórin í felagnum Mads Rørvig.
Men stjórin ger vart við, at hetta skal síggjast í ljósinum av, at nógv útsettu bilakeyp í januar 2024 orsakað av broytingum í skrásetingarskattinum.
- Tað var ein lítil fyrimunur við at bíða til februar. Tað eru smálutir, sum fáa danir at broyta atferð, siga teir.
Elbilasølan hevur eisini fingið góða byrjan. Tilsamans vórðu 6961 nýggir elbilar skrásettir í Danmark í januar 2025.
Tað er ein vøkstur á 123 prosent í mun til sama mánað í fjør, stendur í fráboðanini.
Sambært Mads Rørvig er talan um eina sera stóra framgongd, sum hevur verið at sæð uppá stutta tíð.
Enn væntar hann, at samlaða talið av skrásettum elbilum fer at røkka 75 prosentum í 2025, sigur hann.
- Tað eru tvey ting, sum gera tað. Eitt er avgjaldsfrítøkan, so tú rindar munandi minni í avgjøldum, tá tú keypir ein elbil í mun til ein brennievnisbil.
- Samstundis hava limir okkara nýggjar bilum á hvørjum ári í lægri prísklassa enn vit hava sæð higartil, sigur Mads Rørvig.
Limirnir í vinnugreinafelagnum eru bilasølur og bilinnflytarar.
Mobility Danmark vónar, at elbilaavgjøldini ikki neyðturviliga fara at hækka í 2026, sum annars ætlað. Her stóla tey millum annað upp á útsagnir frá skattamálaráðharranum Rasmus Stoklund (S).
- Elbilar eru ein týðandi partur av grønu umleggingini í Danmark, og tað er avgerandi, at prísirnir ikki eru ov høgir.
- Vit síggja bæði í Danmark, men eisini í Svøríki, Týsklandi og Noregi, at tá mann útfasar av skattalættan , so steðgar elbilasølan, sigur Mads Rørvig.
/Ritzau/
