Hvat dámar tær hesa tíðina av árinum, nú jólini eru nær?
- Hendan rokaliga tíðin er so sera hugnalig, serliga við mínun fitta ommusoni, sum er trý ára gamal og býr í einari íbúð í kjallaranum.
Tað sigur Agnetha Sofía Solmunde.
Hvussu fyrireikar tú teg til jólini – við pynting, baking og mati?
- Í ár hava vit roynt at pyntað nógv og fóru tíðliga í gongd. Hetta vikuskiftið fer heilt sikkurt við at baka saman við familjuni.
Keypir tú jólagávur og eru onkrar longu komnar í hús?
- Í ár havi eg bundið tær flestu jólagávurnar, og næstan allar eru klárar.
Eru jólini ov handilslig, ella dámar tær jólini, sum tey eru?
- Jólini eru so handilslig, sum vit sjálvi gera tey til. Míni eru ikki so handilslig, sigur Agnetha Sofía Solmunde.
