Plagar tú at fara á ólavsøku?
- Ja, tað plagi eg, sigur Djóni Nolsøe Joensen, landsstýrismaður.
Hann vísir á, at opið hús verður heima hjá teimum hin fyrra dagin.
- Hin seinna dagin fara konan og eg upp á sveig, sum hann brosandi tekur til.
Hvat heldur tú er tað besta við tjóðarhátíðini?
- Hugnin, felagskapurin, prátini og láturin.
##med2##
Er okkurt tú saknar við ólavsøkuni?
- Kanska at tivoli-básarnir aftur vóru uppi í gongugøtuni, og so sakni eg góðu gomlu ólavsøkukonsertina.
Minnist tú onkra ólavsøku fram um aðrar?
- Jú, hana í 2002, tá vit í NSÍ vunnu á HB í steypafinaluni í bakandi sól og 20 hitastigum, sigur Djóni Nolsøe Joensen.
##med3##
