Tað upplýsir World Press Photo á heimasíðuni.
Myndin, sum hon er heiðrað fyri við virðislønini, avmyndar níggju ára gamla Mahmoud Ajjour, sum misti báðar armarnar í einum álop í Gaza í mars 2024.
Samar Abu Elouf er ein sjálvlærdur fotojournalistur, sum hevur fotograferað gerandisdagin í Gaza síðani 2010.
Stjórin í World Press Myndagrunninum, sum skipar fyri myndakappingini, Joumana El Zein Khoury sigur, at talan er um "eina friðarliga mynd, sum tosar hart."
- Hon sigur søguna um ein drong, men eisini um eitt breiðari stríð, sum fer at hava ávirkan í fleiri ættarlið, sigur hon, sambært BBC.
/Ritzau/
