Handilsmaðurin Elon Musk fer at skerja útreiðslurnar til at stuðla politiskum flokkum munandi.
Tað segði hann á búskaparráðstevnu í Katar, sambært tíðindastovuni Reuters.
Musk brúkti umleið 300 milliónir dollarar til at stuðla forsetavalevninum hjá Donald Trump og republikanska flokkinum í fjør.
Tað gjørdi hann til tann mest gávumilda fíggjarliga gevaran hjá flokkinum í 2024.
– Eg ætli mær at gera nógv minni í framtíðini.
– Eg haldi, at eg havi gjørt nóg mikið, sigur hann í Katar.
Við sama høvi segði stjórin í Tesla, at hann ætlar at vera á odda fyri elbilaframleiðaranum í fimm ár afturat.
/Ritzau/
