Plagar tú at fara á ólavsøku?
- Eg plagi at fara til Kim og Menu at jamma tann 28. juli, og onkuntíð fer mann víðari í býin.
Tað sigur Jens Marni Hansen, sum sjálvur skal spæla og syngja á Vaglinum hin 29. juli.
- Eftir tað havi eg frí, sigur hann.
Hvat heldur tú er tað besta við tjóðarhátíðini?
- Tað er serliga tað, at tú møtir fólki, sum tú ikki sært í dagligdegnum, og tann serligi ólavsøkuhugnin er heldur ikki at kimsa at.
Er okkurt tú saknar við ólavsøkuni?
- Tá veðrið er gott, sakni eg einki á ólavsøku, sigur hann brosandi.
Minnist tú onkra ólavsøku fram um aðrar?
- Tað hava verið nógvar góðar løtur á ólavsøku, men tá eg var við í Ólavsøkukabarettini í 1996 og 1999, er tað heilt víst nakað, eg ikki gloymi. Tað var strævið, men sera stuttligt, sigur Jens Marni Hansen.
