Tað varð greitt eftir landsstýrisfund í gjár. Tá samdist landsstýrið um, at eitt uppskot skal leggjast fyri tingið, sum loyvir landsstýrinum at seta somu tiltøk í verk í móti ávísum russiskum reiðaríum, sum Noreg ES hava sett í verk.
Ítøkiliga fer tað merkja, at skip sum nógv umrøddi trolarin Melkart 2 verður vístur úr føroyskum sjógvi. Melkart 2 er undir illgruna fyri at hava skatt telekaðalar millum Noreg og Svalbard.
Tað er altso bara um Løgtingið samtykkir uppskotið, at skip sum Melkart 2 kunnu vísast úr føroyskum sjógvi. Tað hevur ikki gingið væl hjá samgonguni at standa saman í málinum um fiskiveiðisastarvið við Russland, har løgmaður viðgongur, at hann hevur tapt stríðið.
Tað er ikki meiriluti í Løgtinginum at steðga samstarvinum við Russland.
– Tann støðan er mær vitandi óbroytt. Men fara at taka tað upp til nýggja viðgerð eftir ólavsøku, segði løgmaður við Sosialin í síðstu viku. Tá segð hann eisini, at júst hetta málið við at seta tiltøk í verk ímótireiðaríum, sum eru undir illgruna at reka hernaðarligt virkesemi, hevði skund, og tí verður tað lagt fyri tingið nú eftir ólavsøku.
– Vit hava higartil fylgt pakkunum hjá ES, men í hesum før snýr pakkin seg ikki beinleiðis um kríggið í Ukraina, men meira um virksemið, sum Russland hevur aðrastaðni og at sanktionera russisk reiðarí, sum ES heldur eru við til at fremja hernaðarligt virksemi fyri russisku stjórina, segði løgmaður við Sosialin.
