Løgmaður, Landsverk og P/F Suðuroyartunnilin eru á ferð kring landið, og endamálið er at kunna um ætlanina at byggja Suðuroyartunnilin.
Í kvøld var fyrsti kunningarfundurin í SALT á Drelnesi.
Aksel V. Johannesen, løgmaður, legði fyri, og kunnaði um ætlanina, og fíggjarligu viðurskiftini. Síðani kunnaði Teitur Samuelsen frá P/F Suðuroyartunnilin um ymisk viðurskifti viðvíkjandi tunnilsætlaninni, og Landverk kunnaði um ymiskar ætlanir við tilhoyrandi koyrivegum í samband við Suðuroyartunnilin.
Eftir hetta var møguleiki at seta spurningar. Fitt av fólki hevði leitað sær í SALT í kvøld, og tað var eisini ymiskt, ið fundarfólkið hevði at spyrja um, serliga viðvíkjandi hvar vegir verða lagdir, og um tað er ein møguleiki, at Skúvoyggin verður partur av ætlanini á onkran hátt.
Í morgin er kunningarfundur á Sandi og mikudagin er kunningarfundur í Havn.
##med2##
##med3##
##med4##
##med5##
##med6##
##med7##
