Hin 20. apríl avgjørdi grønlendska landsstýrið, at ársins makrel-og sildakvota verður ávikavist 50.834 tons av makreli og 5.112 tons av sild, og hin 19. mai varð gjørt av, hvørji krøv og treytir skulu setast til býtið av makreli og sild fyri 2023.
Sermitsiaq veit at siga, at tey fimm feløgni, sum í ár hava fingið kvotu av makreli og sild, eru hesi:
Polar Pelagic hevur fingið 13.095 tons av makreli og 1.461 tons sild, Polar Seafood 6.548 tons av makreli og 730 tons av sild, Pelagic Greenland 13.095 tons av makreli og 1.461 tons av sild, Arctic Prime Fisheries 6.548 tons av makreli og 730 tons av sild sild, og Sikuaq Trawl hevur fingið 6.548 tons av makreli og 730 tons av sild.
- Vit miðja eftir at koma í gongd við makrelfiskiskapinum hin 1. juli, og vit hava eyguni við fiskiskapinum eystanfyri - í føroyskum og íslendskum sjógvi, sigur ein av reiðarunum við Sermitsiaq.
