Ísland og Slovenia hava vunnið seg víðari til millumumfarið í HM-endaspælinum í manshondbólti. Bæði liðini vunnu stórsigrar í dag í innleiðandi bólki G í Zagreb í Kroatia.
Ísland vann ein knúsandi 40-19 sigur á Kuba. Í steðginum var Ísland frammanfyri 21-9.
Slovenia vann trivaligan 36-24 (18-12) sigur á Kap Verde.
Ísland-Kuba 40-19 (21-9)
Toppskjúttar Ísland: Orri Freyr Þorkelsson 5, Þorsteinn Leó Gunnarsson 5, Elliði Snær Viðarsson 5, Viggó Kristjánsson 4.
Toppskjúttar Kuba: Samuel Cordies 5, Frank Cordies 5.
Kap Verde – Slovenia 24-36 (12-18)
Toppskjúttar Kap Verde: Délcio Pina 6, Paulo Moreno 5, Bruno Landim 3.
Toppskjúttar Slovenia: Aleks Vlah 8, Blaz Janc 5, Domen Makuc 5, Domen Novak 5.
Ísland og Slovenia hava fýra stig hvør, meðan Kap Verde og Kuba einki stig hava.
Skráin fyri bólk G:
16. januar: Slovenia – Kuba 41-19 (18-9)
16. januar: Ísland – Kap Verde 34-21 (18-8)
18. januar: Kap Verde – Slovenia 24-36 (12-18)
18. januar: Ísland – Kuba 40-19 (21-9)
20. januar: Kuba – Kap Verde, klokkan 17.
20. januar: Slovenia – Ísland, klokkan 19.30.
