Í morgun verður sagt, at ísraelskir hervognar enn einaferð koyra inn í miðbýin í Gazabýi úr fleiri ættum.
Íbúgvar í býnum siga, at ísraelsku álopini eru millum tey harðastu, síðan Ísrael gjørdi innrás í Gazageiran.
Palestinsk hjálparfólk meta, at fleiri fólk eru dripin í eystaru pørtunum av býnum, men hjálparfólkini sleppa í løtuni ikki til tey økini.
Sagt verður, at ísraelsku álopini serliga eru í forstøðunum, Tel Al-Hawa, Sabra, Daraj, Rimal og Tuffah í Gazabýi.
Sambært tíðindastovuni NTB sigur ísraelski herurin, at tey eru í holt við átøk móti undirstøðukervinum hjá vápnaðum palestinskum bólkum í Gazageiranum.