Tórgerð Jallgrímsdóttir er sett í starv sum deildarleiðari fyri Korndalsbýlið á Eiði og fyri heimatænastuna í bygdunum í Eysturoy, sum hoyra undir VEKS-samstarvið.
Hon byrjar í starvinum mikudagin hin 1. november.
Tórgerð er 40 ára gomul og býr á Eiði. Hon hevur útbúgving sum sjúkrarøktarfrøðingur, umframt aðrar viðkomandi útbúgvingar.
Hon hevur starvast í heilsuverkinum síðan í 2005, seinastu nógvu árini á Landssjúkrahúsinum.
- Eg havi góðar førleikar at vísa á, so tit fáa ein nærlagdan starvsfelaga, ið gongur sera høgt upp í sítt arbeiði, sigur Tórgerð Jallgrímsdóttir í sínari umsókn.
VEKS-samstarvið ynskir nýggja leiðaranum á Korndalsbýlinum vælkomnari í starvið.