Ransin N. Djurhuus, formaður í HB, váttar at tað verður ein fundur um støðuna í felagnum, eftir at hjálparvenjarin, Jákup Martin Joensen, og málmansvenjarin, Magnus Emil Poulsen, eru givnir. Tað ljóðar eisini, at “Hegga” Samuelsen er givin sum venjari hjá 1. deild.
- Tað er rætt, at vit fara at hava ein fund um støðuna. Dalibor Savic kemur til landið í næstum og so tosa vit saman, sigur Ransin N. Djurhuus við in.fo.
Hann vil ikki komin inn á, um fundurin hevur nakran týdning fyri framtíðina hjá høvðusvenjaranum í felagnum. Dalibor Savic hevur verið burturstaddur seinastu dagarnar, meðan tað hevur verið landsliðssteðgur.
In.fo skrivaði í gjár, at bæði Jákup Martin Joensen og Magnus Emil Poulsen eru givnir í venjaratoyminum hjá HB. HB skal mánakvøldið spæla móti B36 í landskappingini.
