Meinhard E. Olsen og liðfelagarnir í Kolding vunnu fyrsta kappingardystin í 2025.
Tíðliga seinnapartin vann Kolding í torførum útidysti í næstbestu donsku fótbóltsdeildini 1-0 á Esbjerg. Í 23. minutti skoraði Frederik Møller sigursmálið hjá Kolding.
Meinhard var við frá dystarbyrjan og spældi allan dystin.
Við sigrinum klatraði Kolding upp á týðandi sætta plássið, ið gevur atgongd til ovara endaspælið við lokið grundspæl. Samstundis sendi Kolding liðið hjá Daniel Johansen og Adrian R. Justinussen, Hillerød niður á sjeynda plássið.
Kolding hevur 27 stig og Hillerød hevur 25 stig.
Í morgin klokkan 14 tekur liðið hjá Mattiasi H. Lamhauge, Fredericia móti HB Køge á heimavølli. Fredericia er næstfremst í deildini við 37 stigum.
