Ikki eru nógvir upplýsingar komnir um ein fund millum amerikanska diplomatiska sendiharran, Steve Witkoff, og russiska forsetan, Vladimir Putin.
Fundurin var í gjár í Sankta Pætursborg.
Í almenna russiska sjónvarpinum sást Putin bjóða Witkoff vælkomnum á forsetabókasavnið í St. Pætursborg. Statstíðindastovur skrivaðu seinni, at fundurin vardi yvir fýra tímar.
Eftir at fundurin var liðugur, segði Kreml, at evnið á fundinum var "tættir í eini ukrainskari avtalu".
Witkoff er í roynd og veru serligi sendiharrin hjá USA í Miðeystri, men er vorðin ein lyklapersónur millum USA og Russland, sum so smátt nærkast hvørjum øðrum viðvíkjandi spurninginum um kríggið í Ukraina.
Millum annað tosar russiska síðan um felags íløgur í Arktis og útvinning av sjáldsomum mineralum í Russlandi.
Fríggjadagin almannakunngjørdi russiski miðilin Izvestia eitt videobrot, har Witkoff fór av einum hotelli í Sankta Pætursborg saman við búskaparsamráðingarmanninum hjá Putin, Kirill Dmitriev.
Sambært almennu russisku tíðindastovuni Tass kallaði Dmitrijev samráðingarnar í gjár produktivar.
Hetta er triðju ferð í ár, at Witkoff og Putin hittast.
Ritzau/Reuters
