Tað eydnaðist Kára Jacobsen á Selatrað at filma tvey áarlop í Svartá í dag. Áin leyp fýra ferðir.
– Náttúrukreftirnar er ikki at spæla við, hesa ferð vóru vit »heldig«. Svartá leyp fýra ferðir í dag. Millum hesi bæði lopini vóru bert 5 minuttir, skrivar Kári Jacobsen.
Landsverk skrivar klokkan 19 í kvøld soleiðis:
Fleiri enn 50 størri og minni áarlop hava verið higartil í dag, serliga á Streymoynni, í Eysturoynni og á Kalsoynni, og nógv vatn er framvegis á vegunum, ein stórur hylur er á landsvegnum oman fyri Skála.
– Vit vilja mæla fólki frá at koyra á Oyndarfjarðarvegnum og Selatraðarvegnum, og tað er ikki ráðiligt at koyra eftir Elduvíkarvegnum, maskinan fer ikki at grava har í kvøld.
– Bilførarar mugu vísa størsta varsemi tá koyrt verður millum bygdir, skrivar Landsverk.
##med2##
##med3##
##med4##
