Dansibandsfestivalur er í Vági í døgunum 5. og 6. mai – og bjóðar Dansibandsfestivalurin sum øllum dansi-áhugaðum føroyingum til Vágs til dans, morgunmat og grillkvøld, og ikki minst hugna og gestablídni
Ein av afturvendandi hátíðarligu pørtunum av Dansibandsfestivalinum er Dansibands-gudstænastan, sum er í Vágs Høll leygardagin á Dansibandsfestivalinum.
Í ár er presturin á Dansibandsfestivalinum ættað úr Vági.
-Í ár eru vit sera fegin um at kunna boða frá, at ein av okkara egnu – Steintóra Gleðisheygg Joensen verður prestur til Dansibands-gudstænastuna, skriva fyrireikararnir á facebook-vanganum hjá festivalinum.
