Tað var so spennandi, sum tað kann vera, tá ið 6-mannafør9ni við monnum kappaðust í Fuglafirði. Men róðurin var heilt øðrvísi, enn hann hevur verið undanfarnu tríggjar ferðirnar.
Undanfarnu tríggjar ferðirnar hevur Sundabáturin verið suverenur vinnari. Í dag vann Sundabáturin aftur, men sigurin var ikki so sannførandi í dag, sum hann annars hevur verið.
Skúgvur úr Sandavági var fremstur størsta partin av teininum, og teir úr Sandavági vóru ógvuliga treiskir. Tað var ikki fyrrenn í síðstu tøkunum í endaspurtinum, at Sundabáturin tók Skúgv og fyri fjórðu ferð í ár vann fult stigatal og harvið er stórfavorittur at vinna FM.
Strálan av Strondum var væl við í startspurtinum og í eina løtu aftrat. Á málinum var tað stutt millum teir báðar bátarnar á hvør sínum armi á Skálafjørðinum, tí Sølmundur av Glyvrum var eitt vet undan Stráluni.
| 1 | Sundabáturin (NHR) | 04:54.30 | +00.00 | 7 | ||
| 2 | Skúgvur (SÍF) | 04:54.43 | +00.13 | 6 | ||
| 3 | Sølmundur (NSÍ) | 04:59.06 | +04.76 | 5 | ||
| 4 | Strálan (Strálan) | 04:59.26 | +04.96 | 4 | ||
| 5 | Víkingur (HR) | 05:00.19 | +05.89 | 3 | ||
| 6 | Gongurólvur (HR) | 05:01.03 | +06.73 | 2 | ||
| 7 | Herningur (RK) | 05:03.10 | +08.80 | 1 | ||
| 8 | Norðstovudánjal (SR) | 05:04.25 | +09.95 | 0 | ||
| 9 | Fortuna (VÍF) | 05:08.10 | +13.80 | 0 | ||
| 10 | Sjódrekin (Skála) | 05:12.09 | +17.79 | 0 | ||
| 11 | Hósvikingur (HVR) | 05:19.29 | +24.99 | 0 |
| 1 | Sundabáturin (NHR) | 4 | 28 | ||
| 2 | Skúgvur (SÍF) | 4 | 24 | ||
| 3 | Sølmundur (NSÍ) | 4 | 18 | ||
| 4 | Gongurólvur (HR) | 4 | 15 | ||
| 5 | Víkingur (HR) | 4 | 11 | ||
| 6 | Strálan (Strálan) | 4 | 9 | ||
| 7 | Norðstovudánjal (SR) | 4 | 4 | ||
| 8 | Herningur (RK) | 1 | 1 | ||
| 9 | Hvessingur (HSR) | 3 | 1 | ||
| 10 | Sjódrekin (Skála) | 4 | 1 | ||
| 11 | Jarnbardur (RK) | 1 | 0 | ||
| 12 | Hósvikingur (HVR) | 1 | 0 | ||
| 13 | Fortuna (VÍF) | 3 | 0 |
