Leygardagin fekk norski talvkongurin, Magnus Carlsen sína frúgv.
34 ára gamli, Magnus Carlsen giftist við 26 ára gomlu, Ellu Victoria Malone sum hevur norska mammu og amerikanskan pápa.
Netflix sum er í holt við at framleiða eina sendirøð um Magnus Carlsen var við til brúðarvígsluna, ið fór fram í kapelinum í Holmenkollen í Oslo.
Fyri stuttum gjørdist Magnus Carlsen á áttanda sinni heimsmeistari í snartalvi. Hesaferð deildi hann tó heitið við Ian Nepomniachtchi úr Russlandi.
Magnus Carlsen hevur eisini verið HM-vinnari í klassiskum talvi fimm ferðir, og somuleiðis HM-vinnari í kviktalvi fimm ferðir. Magnus Carlsen hevur sostatt vunnið samanlagt 18 HM-heiti.
