Inn koma tvær smílandi kvinnur við positivari og livandi útstráling. Tað eru Tanja Fossdal, kvinnan við føroyskum rótum, sum stendur aftan fyri teir kendu byFossdal "Wings" oyralokkarnar, og Mai Jacobsen, hennara føroyska assistentur.
"Hey tit, gott at síggja tykkum aftur á føroyskari jørð!" byrji eg við einum smíli.
"Takk, tað kennist altíð sum at koma heim, tá eg lendi í Føroyum," sigur Tanja og smílist aftur. "Eg havi selt oyralokkarnar hjá mær hjá Østrøm í meira enn 13 ár, og eg føli, at Føroyar er mítt annað heim."
Kend andlit og føroyskur stílur
Eg hyggi forvitin yvir á hana. "Tað má kennast heilt serligt, tá fólk sum Eivør og Ester Skála ganga við tínum smúkkum?"
Hon nikkar og brosar blídliga: "Ja, tað er veruliga eitt kompliment, sum eg seti stóran prís uppá. Tað gevur mær eisini eitt stuttligt samband við føroyingar, tá mínar smúkkur verða sæddar í Kvinna og hjá føroyskum artistum."
Eg hyggi yvir á Mai, sum eisini hevur eitt smittandi smíl á andlitinum. "Og Mai, tú ert eisini designari, føroyingur og arbeiðir saman við hesum kreativa snillinginum?"
Mai flennir lætt og svarar: "Ja, tað er ein fragd! Eg eri super glað fyri at vera partur av hesum ævintýrinum."
Wings Bar – í dag, mánadagin, kl. 14:00 til 21:00
"Tit koma við einum serligum pop up tiltaki, sum tit kalla "Wings Bar". Fortel mær eitt sindur um tað?" spyrji eg spentur.
"Sjálvandi," sigur Tanja og lýsur upp. "Wings Bar er ein pop up verkstova, har øll kunnu koma inn av gøtuni og gera sínar egnu litríku oyralokkar í mínum signatur-sniði 'The Wings'. Vit ynskja at hava tað beint áðrenn Pride, so fólk kunnu gera sínar heilt persónligu pride wings! Og vit hava eisini lidnar oyralokkar við, um tú ynskir tað. "
"Ok, tað ljóðar frískt og festligt. Hvør kann vera við?"
Mai flennir aftur: "Øll kunnu! Tað er opið fyri øllum, sum vilja royna seg við smúkkudesign. Tað er bara at koma framvið, vit hava alt klárt."
"Og tit hava valt Perluna sum stað. Hvat ger Perluna egnaða til júst hetta?"
Tanja svarar við einum sannførdum brosi: "Perlan hevur ein heilt serligan stemning og liggur mitt í hjartanum í Havn. Vit vænta nógv fólk, og staðið er perfekt til eitt lívligt, kreativt og sosialt tiltak."
Mai skoytir uppí: "Vit hava ferðast runt við Wings Bar í Danmark, og tað hevur verið ein stór succes. Men tað kennist bara heilt rætt at koma heim við hesum nú."
Eg nikki við einum stórum smíli. "Vit gleða okkum! Síðsti spurningur: Hvat kunnu fólk vænta sær av degnum?"
"Ein hugnaligan, kreativan og sosialan dag við nógvum litum, gleði og persónligum sniði. Kom bara framvið og skapa tínir egnu Wings," svarar Tanja brosandi, áðrenn vit siga farvæl.
Eg siti eftir við eini góðari magakenslu og eri vísur í, at Wings Bar verður eitt tiltak, sum er perfekt til tey, sum vilja seta sítt egna fingramerki á sínar smúkkur ella bara gera gerandisdagin litríkari.
