Og tó.
Tað vildi verið løgið, um einki er og einki hevur verið, tá nógv fólk eru í býnum, og onkur kanska fær ríkiligt uppí høvdið.
Vaktleiðarin visti í morgun at siga, at okkurt var undir uppstarti í Steinatúni seint í nátt, tá fólk vóru farin til hendurs.
- Tað eydnaðist løgregluni, sum kom framvið, at køla fólkini niðuraftur, men her var ein persónur, sum var ríkiliga heitur.
Løgreglan sigur, at neyðugt var at taka henda eina persónin við á støðina, og viðkomandi sleppur ikki útaftur, fyrr enn hann er vaknaður og kólnaður aftur.
- Tá verður tað so eisini við einari bót fyri brot á skilhaldsreglurnar, leggur vaktleiðarin aftrat.
