Jóannes Bjartalíð kom á vøllin í 58. minutti, og Brandur H. Olsen kom á vøllin í 69. minutti, tá lið teirra, Fredrikstad tók ímóti Haugesund í heimadysti í bestu norsku fótbóltsdeildini.
Jóannes Bjartalíð átti næstseinasta fótin, tá Mai Traore í tíðini dómarin hevði lagt aftrat skoraði sigursmálið fyri Fredrikstad til 1-0.
HER ber til at síggja samandráttin hjá norska TV2 frá dystinum.
Fredrikstad er nummar fimm í deildini við 31 stigum, sama stigatali nummar fýra Molde. Viking Stavanger og Brann Bergen eru bert tvey stig frammanfyri Fredrikstad. Bodø/Glimt er greitt oddalið í deildini við 41 stigum.
Síðani Mikkjal K. Thomassen fór til AIK Stockholm hevur Fredrikstad í fimm teimum seinastu dystunum vunnið tveir sigrar og leikt tríggjar javnleikir.
Komandi sunnudag klokkan 13.30 tekur Fredrikstad móti Brann Bergen á heimavølli.
