Aftaná átta tap á rað vann liðið hjá Pæturi loksins aftur

Pætur Mikkjalsson og liðfelagarnir í Team Sydhavsøerne høvdu undan dagsins dysti á heimavølli í Lollands Bank Arena tapt átta dystir á rað í næstbestu donsku hondbóltsdeildini.

951 áskoðarar vóru kortini møttir at stuðla suðuroyggjamonnum til sigurs í sera týðandi botnuppgerðini móti Odder.

Tað eydnaðist Pæturi og liðfeløgunum at vinna 27-21 á Odder, og harvið fyribils sleppa undan einum niðurflytingarplássi. 

Tað gekk serliga væl hjá heimaliðnum í fyrra hálvleiki, og vóru suðuroyggjamenn á odda 13-7 í steðginum. Í seinna hálvleiki eydnaðist at halda munin. Pætur var noteraður fyri eitt mál í dag.

Framman bíða átta harðir dystir hjá Pæturi og liðfeløgunum í stríðnum at yvirliva í deildini.

Støðan: